മൈനസ് ലൈവ്

 
"ഹായ് മൈനസ് ലൈവ് പ്രോഗ്രാം-ലേക്ക് സ്വാഗതം.... ഇന്നത്തെ ചോദ്യം ഇതാണ്... ഇന്‍സ്പെക്ടര്‍ ബല്‍റാം എന്നാ ചിത്രത്തില്‍ മമ്മൂട്ടി അവതരിപ്പിച്ച കഥാപാത്രത്തിന്റെ പേരെന്ത്?... എല്ലാവരും പെട്ടന്ന് തന്നെ sms ചെയ്യുക.. സമ്മാനങ്ങള്‍ നേടുക"
പതിവ് പോലെ ആ കൊഞ്ചുന്ന മൊഴി കേട്ടാണ് രാമന്‍ കണ്ണ് തുറന്നത്.... കണ്ണ് തിരുമ്മി കൊണ്ടവന്‍ മൊബൈല്‍ എടുത്ത് sms വിട്ടു...
പതിയെ രാമന്‍ എഴുന്നേറ്റു പല്ല് തേക്കാന്‍ ബ്രഷ് എടുത്തു..... TV-ക്ക് മുന്നില്‍ തന്നെ ഇരുന്നു പല്ല് തേച്ചു.... വായ കഴുകാന്‍ പോയ നേരത്താണ് രവി വന്നു ചാനല്‍ മാറ്റിയത്. അലറി കൊണ്ട് വന്ന രാമന്‍ രവിയെ കണ്ണ് പൊട്ടുന്ന ചീത്ത വിളിച്ചു.... തെറി കേട്ട് കണ്ണ് തള്ളിയ രവി മൈനസ് ലൈവ് തന്നെ വീണ്ടും വച്ചു. കൊഞ്ചുന്ന സുന്ദരിയെ കണ്ടതും രാമന്റെ ദേഷ്യം പമ്പ കടന്നു... 
"സുന്ദരിയെ വാ വെന്നിലാവേ വാ" - രാമന്റെ മൊബൈല്‍ മന്ത്രിച്ചു..
"ഹലോ....."
"ഹലോ... ഇത് മൈനസ് ലൈവില്‍ നിന്നാണ്. നിങ്ങള്‍ ആണ് ഇന്നത്തെ വിന്നര്‍.. പേരും സ്ഥലവും പറയാമോ?"
"രാമന്‍, പ്ലാച്ചിമട"
"നന്ദി.. പരിപാടി കഴിയുമ്പോ അഡ്രസ്‌ ചോദിക്കാന്‍ വിളിക്കും"
തിരിച്ച് എന്തെങ്കിലും പറയും മുമ്പ് ഫോണ്‍ കട്ട്‌ ആയി.... പരിപാടി തീരാന്‍ നേരത്ത് സുന്ദരി TV-യിലൂടെ വിളിച്ചു പറഞ്ഞു...
"ഇന്നത്തെ നമ്മുടെ വിന്നര്‍ പ്ലാച്ചിമടയില്‍ നിന്നുള്ള രാമന്‍ ആണ്"
രാമന്‍ സന്തോഷം കൊണ്ട് തുള്ളി ചാടി....
..................................................................
പരിപാടി കഴിഞ്ഞ് 4 മണിക്കൂറായി. ഇത് വരെയും ഫോണ്‍ ഒന്നും വന്നില്ല... രാമന്റെ ക്ഷമ കെട്ടു. നേരത്തെ ഫോണ്‍ വന്ന നമ്പറില്‍ വിളിച്ചു നോക്കി.... പ്രൊഡ്യുസര്‍ ഉടന്‍ വിളിക്കുമെന്നു അറിയിപ്പ് കിട്ടി...
 ദിവസങ്ങള്‍, മാസങ്ങള്‍ കൊഴിഞ്ഞു.... ഒരുത്തനും വിളിച്ചില്ല... നിരാശക്കിടയിലും രാമന്‍ സന്തോഷവാന്‍ ആയിരുന്നു...
ചോദിച്ച്ചവരോടൊക്കെ അവന്‍ പറഞ്ഞു..
"സമ്മാനം കിട്ടിയില്ലെന്കിലെന്താ..... ആ സുന്ദരി എന്റെ പേര് വിളിച്ചല്ലോ...."